६ महिनापछि अन्तर्राष्ट्रिय उडान सुरु

काठमाडौं । नेपालबाट अन्तराष्ट्रिय उडान सुरु भएको छ । कोरोना संक्रमण जोखिमका कारण राकिएको अन्तराष्ट्रिय हवाई उडान करिब ६ महिनापछि बुधबारदेखि सुरु भएको हो ।

कोरोना संक्रमण रोकथाम तथा नियन्त्रणका लागि गत २०७६ चैत पहिलो सातादेखि राकिएको अन्तराष्ट्रिय हवाई उडान सुरु भएको हो ।

बुधबार हिमालय एयरको जहाजबाट स्वदेश फर्किन लागेका चिनियाँ नागरिक विमानस्थलमा प्रवेश गरेका छन् । जहाज बुधबार ४ बजेपछि चीनतर्फ उड्ने तालिका छ ।

चीनमा हिमालयले नियमित उडानका लागि सेप्टेम्बर महिनाका लागि कुल तीन उडान गर्दैछ ।